Hoxe ás 12:30 no ALOVI terá lugar a presentación do Encontro, no que participarán nove rapaces e rapazas ponteses.

O sábado farán un concerto en Ortigueira, e o domingo no ALOVI ás 20:00 horas.

Dende o 9 ata o 30 de novembro celebraremos a festividade de Sta. Icía entre tódalas agrupacións musicais da nosa querida vila.

Dende os clásicos concertos e festivais ata pasarrúas nocturnos pasando por unha exposición de instrumentos antigos.

Este ano homenaxeamos á Rondalla e á Banda ¡polas súas bodas de prata! Si, xa levan 25 anos connosco. ¡Noraboa pola boa música feita neste tempo!

Sen outro interés que o de cantar xuntos, comezamos unha aventura coral invitando a todas e todos os alumnos de Grao Elemental do Conservatorio a participar.

Despois do éxito do ano pasado de Varrendo Corcheas, non podemos deixar pasar a oportunidade de preparar un coro de voces brancas coas voces que puidemos escoitar o pasado curso. Así, baixo a dirección de Andrea Iglesias, comezamos esta aventura.

Este martes 2 de outubro ás 20.00 horas se convoca a tódolos interesados en participar na Jazz-Band do Conservatorio, que por segundo ano consecutivo se volve a poñer en marcha.

Se tes un nivel básico de lectura e instrumento e tocas o trombón, a trompeta, o saxo, o piano ou o teclado, o baixo eléctrico ou a batería, e che apetece aprender a tocar Jazz connosco, non deixes de asistir.

Despois de dúas tardes de concurso, de 30 alumnos de Grao Elemental do Conservatorio dándoo todo cos seus instrumentos, e despois da dura tarefa dos xurados para decidir de entre tantas boas intrepretacións, xa temos aos gañadores.